ثمن مصري
ولد عنده 25 سنة اتخرج من الجامعة اشتغل فترة في مصر لغاية ما تم 27 سنة متقدمش في شغله ....مش عارف يحوش بالرغم من ان مرتبه كويس بيخرج بيتفسح عنده عربية بس مش شايف نفسه رايح فين ؟؟ عنده ابوه وامه واخواته عايشين معاه ان ناقصه حاجة هدومه مكويه اكله جاهز بس برضه نفس الموضوع مش شايف نفسه بعد 20 سنة هو زي ما هو بيروح شغله كل يوم اجازاته معروفة الصيف يقضيه في الساحل كله تمام كده
جت بعدها بفترة جتله فرصه انه يسافر بره بلد اجنبي مش عربي ابوه يقوله اقعد مفيش فايده امه تقوله يا بني انا بكبر وانا وابوك محتاجينك برضه مفيش فايده انا هبقي نفسي بره وزي ما كنت هنا هبقي فل الفل هناك راح القسم خالواظبطوا عشان يطلعلوا جواز السفر راح السفارة بتاعة البلد اللي رايحها ظبط دنيته وقام هوب مسافر راح قعد فترة اشتغل عمل فلوس معقولة قابل بنت اجنبية عجبته اتجوزها " مش عيب ولا حرام ولا غلط "
بعد خمس سنين من جوازهم قام خلف منها حلو قوي زي الفل عمر الارض يا سيدي وبعدها بسنتين قام راجع المحروسة تاني زيارة لاهله وناسه واصحابه وجيرانه وحبابيبه وكمان مصلحة يشاء السميع العليم انه يشتغل في فرع شركتهم اللي فتحوه في مصروقالك مصري هيوفر لنا ماشي لحد هنا .....6شهور- لسنة المدام مش طايقة تقعد في البلد مش متعوده على الاتموسفير البلد مش علي هواها يا اخي يلا نرجع ازاي تربي عيالك هنا ازاي ترضي علي نفسك كده المهم بينصاع للامر ويسافر ويرجع البلد اكس ماشي يا عم
المهم تمر بيه السنين والايام وكل سنتين ثلات سنين يقوم مسافر زيارة لمصر وطبعا زيارة خالوا من امريكا بالدنيا كلها
العيال كبروا العيال اشتغلوا الراجل مبقاش بينزل مصر زي الاول قالك ارجع مصر اموت مش قادر استني شوية ....جه بعد كده قالك البت في حد اتقدم لها من البلد اللي هم فيها الراجل متكلمش قالك البت واللي عايزاه هي حرة واحنا في بلد حر الراجل منزلش مصر لغاية 7 سنين كمان وقام اتوكل علي الله قابل رب كريم ودي الصورة الاكثر تفاؤلا للي بيحصله هناك البنت خلفت وولادها اتجوزوا من بلاد تانية بعدها بعشر سنين واحد من احفاد الاستاذ اللي سافر بره يقابل واحد مصري يقوم اول كلمة يقولها عشان يفتح معاه موضوع هو ايه ؟؟؟؟؟
Good morning sir do you know that 1/8 of me is Egyptian ?????? :D
